Шығыс Қазақстан облысы денсаулық сақтау басқармасының
«Шығыс Қазақстан облыстық
мамандандырылған медициналық орталығы»
ШЖҚ КМК

Жадынама

Емделушілерге арналған жадынама 

Емдеу-алдын алу мекемелеріндегі емдеу-қорғау режимі науқастардың тиімді емделуі, олардың психологиялық тыныштығы, тез және толық сауығуларына жағымды жағдай жасау үшін құрылады. Алдын алу іс-шаралар кешеніне:

  • ЕАМ ішкі тәртіп ережелерін сақтау және емшаралар мен манипуляцияларды орындау;
  • жағымды психологиялық режимді қамтамасыз ету (эмоциялық қауіпсіздік);
  • дәрігердің тағайындауы бойынша науқастың ұтымды қозғалу белсенділігін  қамтамасыз ету;
  • емделуші мен медициналық қызметкерлердің қауіпсіз қозғалуы үшін биомеханика ережелерін сақтау кіреді.

 

Емдеу қызметінің жетістігі көбінесе бөлімшедегі белгіленген ішкі тәртіп ережелерімен қамтамасыз етіледі. Оларды қатаң сақтау емделушінің тәні мен психологиялық жағдайын жасауға, науқастар мен медициналық қызметкерлер арасында байланыс орнатуға мүмкіндік туғызады. Дұрыс құрылған тәртіп науқастарға уақтылы тамақтануға, гигиеналық және емдік-диагностикалық іс-шаралар жасауға, тиісті дәрежеде демалуға, сонымен бірге  палаталардағы санитариялық жағдайды сақтауға қолайлы.
Әр емделушіге оның жағдайына байланысты белгіленген жеке қозғалыс режимі тағайындалады.

kn    Қатаң түрдегі төсек режимі

Емделушіге төсектен тұруға, отыруға, төсекте жатып белсенді түрде қозғалуға, бұрылуға (аунауға) болмайды.
Барлық гигиеналық іс-шаралар, физиологиялық шығулар төсекте жатқанда жүргізіледі. Медбике емделушіге күтім жасап, тамақтандырып, оның төсектен тұрып кетпеуін қадағалап,  жеке гигиена ережелерін орындау үшін барлық іс-шаралар жасауға көмектеседі.   

kn    Төсек режимі

Емделушіге төсекте отыруға, бұрылуға (аунауға) болады. Төсектен тұруға рұқсат етілмейді. Тамақтандыру және жеке гигиена шараларын жүргізуге медбике көмектеседі.

kn    Палаталық режим

Емделушіге палатаның ішінде жүруге (қозғалуға), төсектің жанында орындықта отыруға рұқсат етіледі. Тамақтандыру палатаның ішінде жүргізіледі. Жеке гигиена шараларын емделуші өз бетімен немесе медбикенің көмегімен жүзеге асырады.

kn   Жалпы режим     
Емделуші өз бетімен жеке гигиена шараларын жасайды, палатаның, дәліздің ішінде еркін жүре алады, өзі асханаға барады. Оған аурухананың аумағында серуендеуге рұқсат етілуі мүмкін.

kn   Емделушілерге:

  • Бөлімшеден өз еркімен кетіп қалуға;
  • Ішімдіктер ішуге;
  • Бөлімшеде темекі шегуге тыйым салынады!

 

Парақтар өзгертілді: 13-09-2017