Мамандандырылған терапия бөлімшесі (гастроэнтерология, эндокринология, токсикология)

Клиникамыздың мамандандырылған терапия бөлімшесінде асқазан-ішек жолы ағзаларының, эндокриндік жүйенің аурулары бар пациенттерге, сондай-ақ жедел және созылмалы улану жағдайларында кешенді жоғары технологиялық медициналық көмек көрсетіледі.
Біз медицинаның үш маңызды бағытын біріктіре отырып, пациенттерге пәнаралық тәсіл негізінде медициналық көмек көрсетуді қамтамасыз етеміз. Себебі дене салмағына байланысты мәселелер, гормондық бұзылыстар және асқазан-ішек жолы қызметінің бұзылыстары көбінесе өзара тығыз байланысты.

Біздің жұмыс бағыттарымыз

1. Гастроэнтерология
Біз ас қорыту жүйесі ауруларының толық спектрін дәл диагностикалау және емдеуді жүргіземіз.

• Асқазан-ішек жолы ауруларын емдеу: асқазан және он екі елі ішектің ойық жара ауруы.
• Бауыр және өт қабының аурулары: гепатиттер, бауырдың майлы гепатозы, бауыр циррозы, холецистит, өт-тас ауруы.
• Ұйқы безінің аурулары: жедел және созылмалы панкреатит.
• Ішектің қабыну аурулары (ІҚА): ойық жаралы колит, Крон ауруы.

2. Эндокринология
Біздің мамандар гормондық тепе-теңдікті қалпына келтіруге, зат алмасуды реттеуге және өмір сапасын жақсартуға көмектеседі.

• Қант диабеті: заманауи емдеу әдістерін таңдау, тамақтану тәртібін түзету, асқынулардың алдын алу және емдеу. Бөлімшеде «Диабет мектебі» жұмыс істейді.
• Қалқанша безінің аурулары: гипотиреозды, гипертиреозды, түйінді зобты, аутоиммунды тиреоидитті емдеу.
• Дене салмағын түзету: семіздік пен метаболизмдік синдромды кешенді емдеу.
• Нейроэндокринология: гипофиз және бүйрекүсті бездері патологияларын диагностикалау.

3. Токсикология
Бөлімше ағзаға уытты заттардың әсер етуі кезінде жедел әрі қауіпсіз медициналық көмек көрсетеді.
Токсикология — емдеу бағыттары

• Детоксикация: ағзадан алкогольді, дәрілік препараттарды, ауыр металдарды және тұрмыстық химиялық заттарды шығару.
• Тағамнан улануды емдеу: су-электролиттік теңгерімді жедел қалпына келтіру.

Диагностика мүмкіндіктері
Емдеудің табысты болуы нақты қойылған диагноздан басталады. Біздің клиникада сараптамалық деңгейдегі заманауи озық диагностикалық жабдықтар бар:

• Эндоскопия: ауырсынусыз гастроскопия (ЭГДС), колоноскопия.
• Ультрадыбыстық диагностика (УДЗ): құрсақ қуысы ағзаларын, қалқанша безі мен бүйрекүсті бездерін сараптамалық деңгейде зерттеу.
• Зертхана: гормондық зерттеулер, қанның биохимиялық талдауы және токсикологиялық тестілерді 1 күн ішінде жүргізу.

Неліктен біздің бөлімшені таңдайды?

• Командалық тәсіл: егер сіздің денсаулығыңызға қатысты мәселе эндокринология мен гастроэнтерологияның тоғысында болса (мысалы, метаболизмдік синдром), сізге бірден екі бейінді маман кешенді түрде медициналық көмек көрсетеді.
• Қауіпсіздік және жайлылық: стационарда тәулік бойы медициналық бақылау, заманауи палаталар және пациенттерге ұқыпты әрі ізетті қызмет көрсету.
• Жеке емдеу бағдарламалары: біз барлық пациентке бірдей стандартты тәсілді қолданбаймыз, ағзаңыздың ерекшеліктеріне қарай тамақтану режимін, дәрі-дәрмекпен емдеу тәсілдерін және детоксикациялық терапияны жеке таңдаймыз.

Төсек-орын қоры
Қазіргі уақытта бөлімше 38 төсек-орынға есептелген:

• гастроэнтерология – 15 төсек-орын;
• эндокринология – 15 төсек-орын;
• токсикология – 8 төсек-орын.

	Мейстер Александр Викторович Лауазымы: бөлімше меңгерушісі Мамандануы: токсикология, реаниматология, ШҚО ДСБ штаттан тыс бас токсикологы Жұмыс өтілі: 28 жыл Санаты: жоғары
	Нурсалинова Карлыгаш Айткалиевна Лауазымы: ординатор Мамандығы: эндокринология Жұмыс өтілі: 24 жыл
	Пайзрахманова Сая Жанарбековна Лауазымы: ординатор Мамандығы: гастроэнтерология, ШҚОДСБ  штаттан тыс бас гастроэнтерологы Жұмыс өтілі: 10 жыл
	Кудербаев Куат Самарханович Лауазымы: ординатор Мамандығы: эндокринология Жұмыс өтілі: 9 жыл